Skokkur

úr Smart

Stærðir:

(2) 4 (6) 8 (10) ára.

Mál á skokki:

Yfirvídd: (64) 68 (72) 76 (80) sm.

Sídd: (38) 42 (46) 50 (54) sm.

Ermalengd: (24) 27 (30) 33 (36) sm.

Garn: Smart.

Ljósgrænt nr. 9012: (5) 6 (7) 8 (9) dokkur. Grænt nr. 8764: 1 dokka allar stærðir.

Fylgihlutir:

1 tala. Prjónanælur. Hjálparprjónn.

Prjónar:

Sokkaprjónar og hringprjónn (60 sm) nr. 4.

Prjónfesta:

20 lykkjur í sléttu prjóni á prjóna nr. 4 = 10 sm.

Bolur:

Fitjið upp (138) 146 (156) 164 (174) lykkjur með ljósgrænu á hringprjón nr. 4 og prjónið garðaprjón í hring (1 umf. br., 1 umf. sl.) (5) 5 (5) 6 (6) sm.

Setjið merki í hvora hlið með (64) 68 (72) 76 (80) lykkjur á bakstykkinu og (74) 78 (84) 88 (94) lykkjur á framstykkinu. Setjið einnig merki sitt hvorum megin við (22) 24 (26) 28 (30) lykkjur á miðju framstykki. Prjónið slétt í hring en prjónið miðlykkjurnar (22) 24 (26) 28 (30) á framstykkinu áfram í garðaprjóni. Prjónið þar til bolurinn mælist (9) 9 (10) 10 (10) sm. Prjónið nú tveimur lykkjum færri í garðaprjóni á miðju framstykkinu = (20) 22 (24) 26 (28) lykkjur í garðaprjóni á miðju framstykki. Prjónið þar til bolurinn mælist (14) 14 (15) 15 (15) sm. Prjónið tveimur lykkjum færri í garðaprjóni á miðju framstykkinu. Fækkið garðaprjónslykkjunum um tvær með (4) 4 (5) 5 (5) sm. millibili þar til (10) 10 (12) 12 (14) garðaprjónslykkjur eru eftir. Athugið: Fellið af fyrir handvegi þegar bolurinn mælist (25) 28 (31) 35 (38) sm. þannig: Fellið af 4 lykkjur í hvorri hlið (2 lykkjur sitt hvorum megin við hliðarmerkið) = (60) 64 (68) 72 (76) lykkjur á bakstykki og (70) 74 (80) 84 (90) lykkjur á framstykki. Prjónið hvort stykki fyrir sig.

Bakstykki:

Prjónið sl. á réttu, br. á röngu og fellið af í byrjun hvers prjóns við handveg (2,1,1,1) 2,1,1,1,1 (2,1,1,1,1) 2,1,1,1,1 (2,1,1,1,1,1) lykkju = (50) 52 (56) 60 (62) lykkjur á prjóninum. Prjónið þar til 2 sm. vantar uppá fulla sídd. Setjið (18) 20 (22) 22 (24) lykkjur í miðjunni á prjónanælu og prjónið hvora öxl fyrir sig. Fellið af 1 lykkju í byrjun prjóns við hálsmálið = (15) 15 (16) 18 (18) lykkjur eftir á öxl. Prjónið þar til bakstykkið hefur náð fullri sídd. Setjið lykkjurnar á prjónanælu. Prjónið hina hliðina á sama hátt en gagnstætt.

Framstykki:

Prjónið og fellið af fyrir handvegi eins og á bakstykki og haldið jafnframt áfram að prjóna garðaprjón í miðju sem fyrr = (60) 62 (68) 72 (76) lykkjur á prjóninum. Prjónið þar til (6) 6 (7) 7 (8) sm. vantar uppá fulla sídd.

Gerið tvær fellingar í miðju að framan þannig: Prjónið þar til (5) 5 (6) 6 (7) lykkjur eru eftir að garðaprjónslykkjunum, setjið (5) 5 (6) 6 (7) lykkjur á hjálparprjón, leggið hjálparprjóninn með réttuna fram, fyrir framan fyrstu (5) 5 (6) 6 (7) garðaprjónslykkjunar, rennið hjálparprjónslykkjunum að hinum enda prjónsins og prjónið 1 lykkju af hvorum prjón saman (1. felling). Setjið síðustu (5) 5 (6) 6 (7) garðaprjónslykkjurnar á hjálparprjón, leggið prjóninn með réttuna fram, fyrir aftan næstu (5) 5 (6) 6 (7) lykkjur, ha ð vinstrihandarprjóninn fyrir framan. Rennið hjálparprjónslykkjunum að hinum enda prjónsins og prjónið 1 lykkju af hvorum prjóni saman (2. felling). Prjónið út umferðina. Prjónið br. til baka yfir allar lykkjurnar. Prjónið 2 lykkjur í miðjunni br. saman = (49) 51 (55) 59 (61) lykkja á prjóninum.

Setjið (5) 7 (9) 9 (11) lykkjur í miðjunni á prjónanælu og prjónið hvora öxl fyrir sig. Fellið af í byrjun prjóns við hálsmálið 3,2,1,1 lykkju = (15) 15 (16) 18 (18) lykkjur eftir á öxl. Prjónið þar til stykkið hefur náð fullri sídd. Setjið lykkjurnar á prjónanælu. Prjónið hina öxlina á sama hátt en gagnstætt.

Ermar:

Fitjið upp (40) 42 (44) 46 (48) lykkjur með grænu á sokkaprjóna nr. 4 og prjónið stroff í hring (1 umf. br., 1 umf. sl.) samtals (4) 4 (4) 5 (5) sm. Skiptið yfir í ljósgrænt og prjónið sl. Prjónið þar til ermin mælist (5) 5 (5) 6 (6) sm. Aukið út 1 lykkju sitt hvorum megin við 2 lykkjur undir miðri erminni. Endurtakið útaukninguna á 6. hverri umferð þar til (50) 54 (58) 62 (66) lykkjur eru á prjóninum. Prjónið þar til ermin mælist (24) 27 (30) 33 (36) sm. Fellið af 8 lykkjur undir miðri erminni. Prjónið sl. á réttu, br. á röngu fram og til baka.

Fellið af í byrjun hvers prjóns í hvorri hlið (2,2,1,1,1,1,1,2,2,3) 2,2,1,1,1,1,1,1,2,3,3 (2,2,1,1,1,1,1,1,1,2,3,4) 2,2,2,1,1,1,1,1,1,1,2,3,4, (2,2,2,1,1,1,1,1,1,1,1,2,3,4) lykkjur = (10) 10 (10) 10 (12) lykkjur eftir á prjóninum. Fellið af þær lykkjur sem eftir eru. Prjónið aðra ermi á sama hátt.

Frágangur:

Saumið eða lykkið axlir saman. Saumið ermar í handveg.

Hálslíning:

Prjónið upp í kringum hálsmálið (takið lykkjurnar af prjónanælunum með) með grænu á prjóna nr. 4. Prjónið 1 umf. br., 1 umf. sl. þar til 5 garðar hafa myndast (= 10 umf.) Fellið af með br. lykkjum. Festið stóra tölu efst á mitt framstykkið.